Deprecated: Function create_function() is deprecated in /var/www/virtual/vga.is/htdocs/wp-content/plugins/floating-social-media-icon/function.php on line 1200

Deprecated: Methods with the same name as their class will not be constructors in a future version of PHP; RSS_Import has a deprecated constructor in /var/www/virtual/vga.is/htdocs/wp-content/plugins/rss-importer/rss-importer.php on line 42
janúar 2012 – Síða 2 – Villi Asgeirsson

Browsed by
Month: janúar 2012

Froða.

Froða.

Comments 0 Comment

Önnur þingkonan skilur hvað er að gerast. Hún veit að þjóðin fylgdist með og var ekki skemmt. Hún skilur að traustið á Alþingi er næstum ekkert.

Ragnheiður talar froðu og hefur ekkert til málanna að leggja. Nema að hún nefndi eina flokkinn sem hélt trúverðugleika sínum. Hreyfinguna.

Froða flýtur yfirleitt á yfirborðinu, er það sem fyrst sést, en ristir sjaldan djúpt og er yfirleitt ekki aðalatriðið. Þingmenn sem tala froðu virka yfirleitt yfirborðskenndir.

Ég samgleðst Ragnheiði því það er alltaf gott að vera stoltur af eigin gjörðum. Ég vona að hún trúi virkilega því sem hún segir, því fátt er verra en pólitíkus sem ekki fylgir samfæringunni.

Ég er þó hrifnari af þingmönnum sem tala af viti, skilja hvað þeir eru að segja og bera hag almennings fyrir brjósti. Birgitta er mín. Eða ég hennar. Skiptir ekki öllu.

Skrifað vegna þessarar fréttar.

Athugasemdir af Moggablogginu:

Birgir Gudjonsson 21.1.2012 kl. 10:39

Greinilegt að þú ert utan lands og utangáttar.

Villi Asgeirsson 21.1.2012 kl. 10:49

Á hverju er það greinilegt? Utan lands er tekið fram á síðunni, en hvernig er ég utangáttar?

hilmar jónsson 21.1.2012 kl. 10:51

Það er ljóst að nokkrir þingmenn eru það hræddir og telja sig standa svo tæpt gagnvart því að þurfa að bera vitni í málinu, að þeir völdu frekar að sprengja stjórnarsamstarfið.

Villi Asgeirsson 21.1.2012 kl. 10:55

Það er auðvitað stórmerkilegt í sjálfu sér, að fólk á vitnalista geti kosið um málið á Alþingi.

Óskráður (this is fake) 21.1.2012 kl. 13:43

Samtrygging Fjórflokksins í hnotskurn.

Spólum u.þ.b. 16 mánuði aftur í tímann, hvað sagði þingmaðurinn Atli Gíslason þá? Eða Lilja Mósesdóttir o.fl.  Mér er spurn: Þarf þetta fólk ekki að standa skil á afstöðu breytingum sínum? Getum við treyst því að það sem þau segja í dag sé það sama og þau segja á morgun?

Greinilegt er  hvert Birgir hefur stungið hausnum

Guðmundur Pétursson 21.1.2012 kl. 23:14

Ragnheiður Elín Árnadóttir talaði um að FLokkurinn hefði „axlað pólitíska ábyrgð“ með því að víkja úr stjórn eftir hrun. Stelpu álftin áttar sig ekki á því að þegar flokkur hangir á völdum eins og hundur á roði og lætur draga sig á hárinu úr stólunum æpandi og skrækjandi og síðan sparkað á rassgatinu út á götu, kallast ekki að „axla pólitíska ábyrgð“ en við hverju öðru var að búast hjá heilaþvegnum og spilltum FLokkshálfvita eins og þessi ömurlega Ragnheiður Elín er.

Villi Asgeirsson 21.1.2012 kl. 23:51

Þetta heitir víst spuni á góðri finnsku.

 

Er einhver áhugi á uppgjöri?

Er einhver áhugi á uppgjöri?

Comments 0 Comment

Það er þá komið á hreint. Meirihluti þingheims hefur ekki áhuga á að gera upp hrunið. Það er rausað um að ljótt sé að kenna einum manni um það sem miður fór. Ég get ekki séð að nokkur maður sé að gera það. Málið snýst alls ekki um Geir H. Haarde.

Fleiri tóku þátt í fylleríinu. Auðmenn, bankamenn, útrásarvíkingar, stjórnmálamenn. Hrunið byrjaði um svipað leyti og uppsveiflan. Bankar voru seldir vinum fyrir lánsfé úr hinum bönkunum. Viðskiptalífið sveik, svindlaði og stakk undan á meðan embættismenn horfðu í hina áttina, fullir á freyðivíni í boði útrásarinnar. Geir var ekki einn um að gera ekkert. Allt kerfið var sjúkt.

Kosið var um hvort lögsækja ætti fjóra þingmenn. Á endanum var einn valinn, Geir H. Haarde, fjármálaráðherra 1998-2005 og forsætisráðherra til 2009. Það var fullkomið pólitískt klúður að sleppa hinum þremur, en það gerir Geir ekki stikkfrí. Ekki frekar en maður sleppti einum af því hinir þrír sem tóku þátt í ráninu (nauðguninni eða hvaða glæp sem framinn hefði verið) komust undan á hlaupum. Geir var í hringiðunni sem fjármála- og forsætisráðherra og hlýtur að bera einhverja ábyrgð. Hversu mikil hún er, veit maður ekki og það kemur ekki í ljós ef málið verður látið niður falla.

Hlutverk Landsdóms er ekki að hengja Geir. Ég hef engan sérstakan áhuga á að sjá hann í litlum klefa á Litla Hrauni. Efast um að margir hafi áhuga á því. Það sem ég vil sjá er uppgjör á áratugnum fyrir fall bankanna. Opið, hreinskilið og ýtarlegt. Það varð alsherjarhrun og við sjáum ekki fyrir endann á afleiðingunum. Ef við ræðum ekki málin, veltum steinum og skoðum ormana sem leynast undir þeim, komumst við aldrei upp úr þessu kviksyndi. Þjóðin á það skilið að vita hvað gekk á. Vita hvaða reikninga hún er að borga og af hverju.

Það er gott að halda til haga hvaða þingmenn kusu um málið og hvernig. Gæti hjálpað í næstu kosningum. Ég veit að enginn í „nei“ hópnum fær mitt atkvæði.

já:

Arna Lára Jónsdóttir, Álfheiður Ingadóttir, Árni Þór Sigurðsson, Birgitta Jónsdóttir, Björn Valur Gíslason, Eygló Harðardóttir, Guðmundur Steingrímsson, Helgi Hjörvar, Jóhanna Sigurðardóttir, Jónína Rós Guðmundsdóttir, Katrín Jakobsdóttir, Lilja Rafney Magnúsdóttir, Lúðvík Geirsson, Magnús M. Norðdahl, Magnús Orri Schram, Margrét Tryggvadóttir, Mörður Árnason, Oddný G. Harðardóttir, Ólína Þorvarðardóttir, Róbert Marshall, Sigríður Ingibjörg Ingadóttir, Siv Friðleifsdóttir, Skúli Helgason, Steingrímur J. Sigfússon, Svandís Svavarsdóttir, Valgerður Bjarnadóttir, Þór Saari, Þráinn Bertelsson, Þuríður Backman

nei:

Atli Gíslason, Árni Páll Árnason, Árni Johnsen, Ásbjörn Óttarsson, Ásmundur Einar Daðason, Ásta R. Jóhannesdóttir, Birgir Ármannsson, Birkir Jón Jónsson, Bjarni Benediktsson, Einar K. Guðfinnsson, Guðfríður Lilja Grétarsdóttir, Guðlaugur Þór Þórðarson, Gunnar Bragi Sveinsson, Illugi Gunnarsson, Jón Bjarnason, Jón Gunnarsson, Kristján Þór Júlíusson, Kristján L. Möller, Lilja Mósesdóttir, Ólöf Nordal, Pétur H. Blöndal, Ragnheiður E. Árnadóttir, Ragnheiður Ríkharðsdóttir, Sigmundur Davíð Gunnlaugsson, Sigurður Ingi Jóhannsson, Tryggvi Þór Herbertsson, Unnur Brá Konráðsdóttir, Vigdís Hauksdóttir, Þorgerður K. Gunnarsdóttir, Ögmundur Jónasson, Össur Skarphéðinsson

fjarvist:

Höskuldur Þórhallsson, Sigmundur Ernir Rúnarsson

fjarverandi:

Björgvin G. Sigurðsson 

Birt vegna þessarar fréttar.

Athugasemdir af Moggablogginu:

Villi Asgeirsson 20.1.2012 kl. 23:25

Athyglisverð frétt. Listi yfir vitni.

http://www.visir.is/thungavigtarfolk-a-vitnalista-i-landsdomsmalinu/article/2011110519456

hilmar jónsson 20.1.2012 kl. 23:41

Vægast sagt athyglisvert Villi og skýrir margt.

Villi Asgeirsson 20.1.2012 kl. 23:45

Allir á vitnalistanum sögðu nei. Merkilegt.

hilmar jónsson 21.1.2012 kl. 00:16

Já mjööög merkilegt….

Óskráður (this is fake) 21.1.2012 kl. 00:17

Það er að koma betur og betur í ljós að ALLIR stjórnmálaflokkar hafa þegið styrki (MÚTUR) í gegnum tíðaina og eru allir jafn samsekir. Við horfum upp á toppinn á ísjakanum þegar Sjálfstæðismenn þurftu að skila sínum styrk (MÚTUM)  frá Fl-group. Nú er komið  að því að þeir félagar snúi bökum saman og passi upp á hvorn annan að ekkert ljótt falli a´þeirrra hvítflibba. Samsærið í hnotskurn í boði Alþingis gegn vægu verði.

Lilja Guðrún Þorvaldsdóttir 21.1.2012 kl. 00:27

Góður pistill Villi !

Villi Asgeirsson 21.1.2012 kl. 08:24

Mér sýnist að Hreyfingin ein hafi greitt atkvæði á móti tillögunni. Eitthvað sem gott er að muna í næstu kosningum.

Agla 21.1.2012 kl. 12:10

Að þingsumræðu lokinni verður væntanlega naumur meirihluti þingmanna meðfylgjandi tillögu Bjarna Benediktssonar um  að ákæran á hendur fyrrverandi forsætisráðherra (Geir Haarde) verði afturkölluð.

Trúlega hefur meðferð Alþingis á þessu „vandræðamáli“ verið lögum samkvæm frá upphafi.  Hver skyldi þá verða staða fyrrverandi forsætisráðherra lögum samkvæmt?      Gæti hann  t.d. krafist bóta  fyrir mannorðstjón og kostnað sem fylgt hefur undirbúningi tengdum  fyrirhugaðri vörn sinni við ákærunni sem samþykkt var af Alþingi upprunalega?

Þorsteinn Siglaugsson 21.1.2012 kl. 12:13

Það hafa margir áhuga á uppgjöri á áratugnum fyrir fall bankanna. Málið gegni Geir verður aldrei slíkt uppgjör enda snýst það aðeins um hvað var gert eða ekki gert rétt áður en bankarnir féllu. Málið er í rauninni smjörklípa þar sem athyglinni er beint frá því sem máli skiptir að einhverju sem engu skiptir.

Villi Asgeirsson 21.1.2012 kl. 12:21

Agla, þetta er sennilega allt fullkomlega löglegt, en jafn siðlaust fyrir því.

Þorsteinn, ég get ekki ímyndað mér að vitnisburður allra ráðherra fyrri stjórnar og fleiri áhrifamanna hafi engin áhrif á uppgjörið, komi það nokkurntíma. Þetta er að dreyfa athyglinni einöngu vegna þess að það er tekið upp aftur. Þingið var búið að afgriða þetta og hefði átt að gefa landsdómi vinnufrið.

Þessu máli var klúðrað af Samfó. Ef eitthvað vítavert gerðist þar, er ekkert því til fyrirstöðu að setja upp mini-rannsóknarnefnd og skoða það.

Óskráður (this is fake) 21.1.2012 kl. 12:43

Eftir að hafa hlustað á þáttinn Í vikulokin á Rás 1 í morgun kemst maður betur að þeirri niðurstöðu að þingmenn hafa engan áhuga á niðurstöðu og vilja einfaldlega drepa málið niður. Hin mæta þingkona Guðfríður Lilja talaði um að koma á Sannleiksnefnd, en einni nefndinni, til að fá einhverja niðurstöðu.

Villi Asgeirsson 21.1.2012 kl. 12:49

Hvernig kom Margrét út? Skilst hún hafi verið þarna líka.

En nefndir. Nefndir. Fleiri nefndir. Mikið væri gaman ef þingmenn töluðu bara hreint út og kysu um málin í staðinn fyrir að þvæla öllum málum milli nefnda. Ég skil ekki að kerfið þurfi að vera svona þungt í þessu litla samfélagi.

Agla 21.1.2012 kl. 13:16

Ef þetta „ferli“ er allt lögum samkvæmt á þá ekki aumingja Geir Haarde rétt á upphefð æru sinnar og alls konar bótagreiðslum?

Villi Asgeirsson 21.1.2012 kl. 13:18

Jú, eflaust. Breytir engu. Við virðumst geta borgað allt sem einhverjum dettur í hug að láta okkur borga.

Agla 21.1.2012 kl. 13:25

Kannski hefði ég betur sagt „Ef þetta „ferli“ er allt lögum samkvæmt á þá aumingja Geir Haarde engan rétt á upphefð æru sinnar og alls konar bótagreiðslum???

Óskráður (thin) 21.1.2012 kl. 13:29

Sæll. Margrét stóð sig vel og kom sínum málum vel fram. Aftur á móti þá finnst mér Guðfríður Lilja dottin ofan í sama pyttinn og þorri þingmanna að vilja gera ekki neitt.  Nákvæmlega eins og þú segir setja allt í nenfdir.

Í þættinum var komið inn á Saltmálið vinsæla og vildu bæði Guðfríður Lilja og Guðlaugur Þór að rýna í hvað gerst hafi áður en gert er eitthvað meira. En það á ekki að draga neinn til ábyrgðar frekar en venjulega. Af hverju? Jú skv. því sem Margrét Tryggvadóttir sagði þá eru um helmingur yfirmanna stofnana pólitískt ráðnir í gegnum sína flokka. Og að sjálfsögðu þarf að hlífa þeim greyjum

 

Hvenær kemur Íslenska vorið?

Hvenær kemur Íslenska vorið?

Comments 0 Comment

Ég var að skoða bloggfærslur sem ég skrifaði fyrir þremur árum. Búsáhaldabyltingin var þá í fullum gangi. Ég skrifaði um táragasið sem lögreglan beitti gegn mótmælendum og þögnina úr forsætisráðuneytinu. Ísland var að upplifa eitt hrikalegasta efnahagshrun sögunnar og forsætisráðherrann sá enga ástæðu til að tala við þjóðina. Hann beitti lögreglunni þó óspart.

Er það þetta sem við vijum? Sjálfstæðisflokkinn í stjórn aftur? Flokkinn sem keyrði okkur upp í skerjagarðinn og kennir núverandi stjórn um hrunið? Flokkinn sem hikar ekki við að siga löggunni á mótmælendur?

Bjarni Ben vill að alþingi kjósi aftur um það hvort Geir eigi að fara fyrir Landsdóm. Það verður að vera þingmeirihluti fyrir því, segir hann. Var ekki þingmeirihluti til staðar? Var fyrri kosningin ómerk að einhverjum ástæðum? Ef svo er, væri þá ekki hugmynd að kjósa um ráðherrana fjóra sem rannsóknarnefndin mælti með að færu fyrir Landsdóm?

Bjarni er að leika sama leik og ESB, að kjósa um mál þar til rétt niðurstaða fæst og svo ekki meir.

En hvað um það, þetta mál er móðgun við þjóðina. Það er móðgun við fólkið sem missti allt, sem sá sér ekkert annað fært en að flýja land. Það er móðgun við þá sem stóðu á Austurvelli í janúarkuldanum, börðu á potta og pönnur í von um sanngjarnara þjóðfélag og lét sig hafa það að vera spreyjað með piparúða.

Það er sannarlega móðgun við níumenningana sem Ögmundur gat ekki skipt sér af vegna stöðu sinnar sem ráðherra.

Ég vona sannarlega að þingmenn hafi rænu á að fella þessa tillögu. Ekki af því ég vilji sjá Geir H. Haarde dæmdan og lokaðan inni. Alls ekki. Hann má sýkna ef Landsdómi finnst ekki ástæða til annars. Ég vil einfaldlega að allar upplýsingar sem þjóðin á skilið að fá, komi upp á yfirborðið svo hægt verði að gera hrunið upp. Án uppgjörs munum við halda áfram að sleikja sárin og vantreysta hvoru öðru. Við getum ekki byggt upp mannsæmandi samfélag ef við þorum ekki að horfast í augu við fortíðina.

Þjóðin á það inni hjá þingmönnum að þeir geri það eina rétta í stöðunni og láti dómsmál hafa sinn gang afskiptalaus.

Upphaflega birt vegna þessarar fréttar.

Athugasemdir af Moggablogginu.

Anna Sigríður Guðmundsdóttir 20.1.2012 kl. 17:47

Það er undarlegt að hlusta á gamla klíku tala á alþingi í dag.

Hvar eru þeir sem skilja hversu óréttlátt það var að krefjast þess að níumenningarnir færu í dómssal, vegna sinna réttlátu mannréttindabaráttu við lífeyris og bankarænds almennings á Íslandi. Það er ekki nokkur maður sem hefur komið með kröfur um lagabókstafs-rök fyrir að nokkrir saklausir mótmælendur skyldu þurfa að þola það óréttlæti og niðurlægingu, sem þeir þurftu að þola, vegna síns kjarks að berjast gegn lögbrotum og óréttlæti íslenskar stjórnsýslu og dómskerfisins.

Þetta er rétti dagurinn til að minna á svívirðilegt lögbrot BARNAVERNDARNEFNDAR Reykjavíkur á Rögnu, móður Ellu Dísar, móður langveikrar 9 ára stúlku, sem fékk ranga sjúkdómsgreiningu hjá íslensku lyfjamafíu-læknasvikurunum. Landlæknir er talgervill lyfjamafíunnar á Íslandi, og vissi ekkert um raunveruleikann, miðað við hans svör um málið. Það er ekki þörf á landlækni á Íslandi, ef hann styður hættuleg læknamistök, eins og  raun ber vitni.

Rögnu, móður Ellu Dísar var meinað að fara úr landi með dóttur sína, til að bjarga lífi hennar, fyrir jólin. Barnaverndarnefndin meinaði móður að bjarga barninu sínu, með lífsnauðsynlegri læknismeðferð í öðru landi.

Mér er svo misboðið, að hlusta á lyfjamafíustýrða stjórnmála-glæpastýrða flokka á Íslandi, standa í stórræðum, til að bjarga Geir Hilmar Haarde, en ríkis-RÚV hefur ekki minnst einu orði á svívirðilegt mannréttinda og lagabrot gegn einstæðri 3 barna móður, sem berst fyrir lífi barnsins síns.

Hvert er raunverulegt hlutverk barnaverndarnefndar, yfirlækna og dómsstóla á Íslandi?

Ég ætlast til að höfuðpaurar íslenskrar mafíu-stjórnsýslu svari þessari spurningu undanbragðalaust, ef fólk í stjórnsýslu vill láta taka mark á sér, í sambandi við lög, rétt og mannréttindi óréttlátt dæmdra manna kvenna á Íslandi.

Það hefði verið siðferðislega, löglega og mannréttindalega, réttast að eyða þessum degi á alþingi Íslands, í að ræða lögbrot barnaverndarnefndar á Íslandi, ásamt rögbrotum klíkuflokkanna á mafíueyjunni Íslandi.

Barnaverndarnefnd hefur framið fleiri sálar-morð en nokkur önnur stofnun á Íslandi, og gagnvart varnarlausum börnum sem hún á að vernda fyrir sálarmorðum.

Sumum fannst nauðsynlegt að ræða staðgöngumæðrun fyrir nokkrum dögum síðan á alþingi Íslands. Það þykir ekki þörf á að ræða mannréttindi barna á Íslandi á sama tíma! Það eru dauðadæmd vinnubrögð á alþingi Íslands, svo mikið er ég svo sannarlega orðin endanlega viss um!

Útvarp Saga hefur fjallað um mál Rögnu, móður Ellu Dísar. Hægt er að fara inná útvarpsaga.is til að hlusta á það sem íslenska mannréttinda-brotakerfið og barnaverndaryfirvöld eru að gera.

Nú ætlar barnaverndarnefnd Reykjavíkur að svipta Rögnu, móður Ellu Dísar, forræði yfir börnunum sínum, í samráði við erlenda barnaverndarnefnd, vegna þess að hún er að berjast gegn íslenskum lyfjamafíu-stýrðum læknamistökum! Hún er sem betur  komin úr landi með barnið, og Ella Dís hefur farið í lífsnauðsynlega aðgerð, sem yfirlæknir barnaspítala Hringsins er væntanlega ábyrgur fyrir að reyna að stoppa í gegnum barnaverndarnefnd Reykjavíkur.

Nú er komið að Kastljósi stjórnmálaklíku-ríkisstjórnarinnar að fjalla um þetta grafalvarlega lögbrot siðlauss kerfisins á Íslandi. Læknaklíkan á Íslandi gerði þau mistök að sjúkdómsgreina barnið rangt, með hörmulegum afleiðingum fyrir barnið.

Það væri fínt að fá skoðun Róbert Spanó prófessors, á þessum lífshættulegu lögbrotum barnaverndarnefndar Reykjavíkur og yfirlækni barnaspítala Hringsins, gagnvart langveiku barni.

Hver er tilgangur stjórnvalda, barnaverndarnefndar, yfirlækna og landlæknis í raun? Ná engin lög yfir þeirra lögbrot?

M.b.kv.

Villi Asgeirsson 20.1.2012 kl. 18:00

Ég verð að viðurkenna að ég þekki ekki mál Ellu Dísar. Kannski rökrétt, fyrst ekkert er talað um það. Það er auðvitað gömul saga og ný að læknar eru á spena hjá lyfjaframleiðendum. Á ekki við alla, en það þarf ekki nema einn til að eyðileggja líf manneskju sem leitar til hans.

Við munum auðvitað öll eftir svínaflensumálinu og offorsinu að kaupa bóluefni handa öllum. Ég hef oft velt því fyrir mér hvað var í gangi þar.

Ég ætla að kíkja á Útvarp Sögu og skoða þetta. Ekki að óbreyttur bjáni útí bæ eins og ég geti haft einhver áhrif…

 

Vinsældir Ögmundar skreppa saman?

Vinsældir Ögmundar skreppa saman?

Comments 0 Comment

Var það ekki Gvendur Jaki sem sagði að á meðan Mogginn, og þar með Sjálfstæðisflokkurinn, pirruðust út í hann, væri hann á réttri braut?

Ég las pistil eftir Ögmund í kring um 2005 þar sem hann sagði að bankarnir ættu að fara úr landi. Hann fékk skömm fyrir, var kallaður afturhaldskommi eða eitthvað álíka. Hann vildi, eins og sönnum komma sæmdi, sjá til þess að allir væru jafnir í örbyrgðinni. Svo kom haustið 2008 og Ögmundur virtist ekki hafa verið svo galinn eftir allt.

Hann hefur alltaf virkað sem maður sem fylgir sannfæringunni. Hann hefur ekki látið flokkslínur flækjast fyrir sér. Það er sannarlega hægt að segja að hann hafi ekki fylgt eigin flokki síðustu vikuna.

En hvað fær stjórnmálamann, dómsmálaráðherra, til að skipta sér beint af dómsmáli? Hvað hefur breyst síðan hann kaus að senda Geir í Landsdóm? Af hverju getur hann reynt að hafa áhrif á þetta mál ef hann gat ekki skipt sér af nímenningamálinu vegna stöðu sinnar?

Aðal rökin sem ég hef heyrt eru að ekki sé hæft að dæma einn mann þegar fleiri báru ábyrgð á hinum meinta glæp. Hinir þrír ráðherrarnir sluppu við ákæru, „þökk“ sé Samfylkingunni, svo það væri óréttlátt að draga Geir einan fyrir rétt. Þetta er auðvitað argasta bull, því ekki yrðu þessi rök tekin gild ef um búðarhnupl væri að ræða.

Ég vil ekkert endilega sjá fyrrverandi forsætisráðherra refsað. Ég vil hinsvegar að hann fái tækifæri til að verja sig. Að hann verði ekki að eilífu þekktur sem hrunstjórinn sem slapp vegna flokkaklíkunnar, eða hvað það verður kallað. Ég vil sjá þessi réttarhöld og ég vil að þær upplýsingar sem þar munu koma fram verði notaðar til að gróa sárin, gera upp hrunið eins mikið og hægt er.

Ögmundur er kominn í mjúkinn hjá Bjarna Ben, sem spilaði með milljarða og tapaði gegn um Sjóvá og Vafning. Það er ekki hægt annað en að spyrja, hvað eru þeir að bralla? Á að koma núverandi stjórn á hnén, svo að Jóhanna og Steingrímur geti ekki annað en sagt af sér? Gefið Bjarna og Ögmundi tækifæri til að taka við? Er það málið, að Ögmundur vilji SJS frá, svo hann komist sjálfur í formannssætið? Er Ögmundur að leyfa Bjarna að nota sig sem peð í valdataflinu sem leikið er við Austurvöll, í von um betri stöðu í nýrri stjórn eða sem forystumaður í stjórnarandstöðu?

Trúir hann virkilega að hann sé að gera rétt eða er Ögmundur einfaldlega klækjapólitíkus af gamla skólanum?

Ég vona að hann skammist sín jafn mikið fyrir hrós Bjara Ben og ég myndi gera. Ég vona að íslendingar hafi rænu á að kjósa eitthvað betra næst.

Upphaflega birt vegna þessarar fréttar.

Athugasemdir af Moggablogginu.

Addi 19.1.2012 kl. 22:57

Sjálfstæðismenn ýta undir hégómann í Ögmundi.

Ögmundur er að vaxa, það er rétt. Hann er að vaxa frá því að vera málsvari fólksins, vaxa frá fólkinu sem hefur stutt hann og.  Hann er að vaxa inn í Sjálfstæðisflokkinn.

Ég held hann geri sér enga grein fyrir því sem hann er að gera, sem er að stinga rýtingi í bakið á því fólki sem hefur stutt hann í gegnum sætt og súrt.

Ögmundur hefur leikið af sér, skorað sjálfsmark og fagnar með Bjarna Ben. og Geir Haarde og öllu því liði.

Farvel Frans.

Villi Asgeirsson 19.1.2012 kl. 23:20

Ég er ekki viss um að hann viti ekki hvað hann er að gera, en get tekið undir restina.

hilmar jónsson 20.1.2012 kl. 00:00

Hann veit hvað hann er að gera, en veðjaði rangt…Bigtime..

 

SaltExtrakt – eða rangt skal vera rétt

SaltExtrakt – eða rangt skal vera rétt

Comments 0 Comment

Ölgerðin Egill Skallagrímsson, eitt ástsælasta fyrirtæki landsins hefur orðið uppvíst að svindli. Eða ótrúlegu klúðri. Ég get ekki dæmt um það, enda hef ég aldrei unnið fyrir fyrirtækið og veit ekki hvað fer fram þar innandyra.

BBC eða einhver annar erlendur miðill fær nasaþef af málinu og vill vita meira. Hvers vegna þeir höfðu ekki samband við  Matvælastofnun eða Ölgerðina sjálfa, veit ég ekki. Þetta eru slöpp vinnubrögð sem maður hefði búist við af sumum miðlum, en ekki BBC. Kannski voru þeir með símanúmer RÚV eða fréttakonunnar á skrá og ákváðu að afgreiða málið á fimm mínútum. Þeim fannst þetta kannski ekki nógu spennandi til að eyða einhverri orku í málið. Kannski skoluðust staðreyndir til þegar spjallað var við hana, kannski var þessu „road“ orði bætt við eftirá. En það skiptir ekki máli.

saltextract

Ölgerðin hefur orðið uppvís að því að selja iðnaðarsalt til matvælafyrirtækja í 13 ár. Það er ekki eins og þetta hafi verið ein sending sem slapp í gegn af því fólk var ekki að taka eftir því sem stóð á umbúðunum. 13 ár eru langur tími, og þetta hlýtur því að hafa verið ákvörðun sem tekin var vísvitandi. Hvort þetta salt var ætlað á götur eða ekki, er það alveg á hreinu að það var ekki ætlað í matvæli. Það er málið og allt annað er útúrdúr.

Svo spyrja þeir hvort íslendingar séu sáttir við að víðlesinn fjölmiðill segi þá hafa borðað götusalt. Ég spyr á móti, heldur Ölgerðin að íslendingar séu sáttir við að þeir séu látnir éta iðnaðarvörur? Telja þeir virkilega að það bæti ímynd sína að siga lögmönnum á fólk út í bæ sem tjáir sig um málið? Ég held að það besta sem Ölgerðin geti gert sé að hringja í þennan víðlesna fjölmiðil og biðja hann að leiðrétta fréttina, sé hún röng. Svo geta þeir beðið þjóðina afsökunar og boðist til að fjármagna rannsókn á hugsanlegum langtímaáhrifum iðnaðarsalts á mannslíkamann.

Ölgerðin var eitt ástsælasta fyrirtæki landsins. Malt og Appelsín er þjóðardrykkur. Gullið hefur unnið til verðlauna víða um heim, ef marka má umbúðirnar. Ímynd getur horfið á augabragði, eins og við höfum verið harkalega minnt á síðustu misserin.

Upphaflega birt vegna þessarar fréttar.

Götusalt?

Götusalt?

Comments 0 Comment

Er Ölgerðin orðin snarklikkuð? Þeir flytja inn iðnaðarsalt og selja sem matarsalt. Þegar einhver vogar sér að segja að iðnaðarsalt sé mestmegnis notað á götur þegar frystir, hóta þeir að senda lögræðinga á viðkomandi.

Þess má geta að hér í Hollandi var ein fyrirsögnin, Íslendingar strá götusalti yfir eggin sín. Ætlar Ölgerðin að eltast við alla þá sem réttilega sýna að þetta salt er ekki ætlað til matargerðar?

Kunna þeir ekkert að skammast sín? Er einhver í stjórnsýslunni sem ætlar að taka á þessu máli?

Ef ekki, þá er það þjóðarinnar að sneiða hjá vörum fyrirtækisins.

Upphaflega birt vegna þessarar fréttar.

Athugasemdir af Moggablogginu.

Þórður Ingi 19.1.2012 kl. 14:18

Þeir fréttamenn sem segja að það iðnaðarsalt sem notað var hér í matvæli sé það sama og er notað á götur gerast sekir um annað tveggja. Fávisku eða lygar.

Villi Asgeirsson 19.1.2012 kl. 14:26

Það má vel vera að þetta sé ekki sama salt og notað er á götur, en þetta er heldur ekki salt sem ætlað er í matvöru. Spurningin er því, er Ölgerðin sek um fávisku eða lygar?

 

Heiður…

Heiður…

Comments 0 Comment

…fyrir Michael Moore að vera í sama þætti og Birgitta. Þau eiga það sameiginlegt að ná eyrum fólks um allan heim og eru nógu skynsöm til að láta spillingaröflin ekki þagga niður í sér eða snúa.

Ég hef oft velt því fyrir mér hvað það er sem fær fólk til að skipta um skoðanir, persónu jafnvel, þegar komið er inn á þing. Eru nýjir þingmenn færðir inn í bakherbergi og þeim lagðar reglurnar eða er þerra hræðsla við að missa vinnuna og þá bitlinga sem hún hugsanlega mun gefa? Eru það kannski vissir karakterar sem sækjast í þingmennsku? Fólk sem þráir völd, hvað sem það kostar?

Komist fólk í ríkisstjórn, svo ekki sé minnst á ráðherrastól, ígerist þessi persónuleikabreyting. Það er eins og slökkt sé á persónuleika viðkomandi og nýtt forrit sett inn.

Það verður fróðlegt að sjá hvað þeim Birghittu og Michael fer á milli. Chris Hedges er líka merkilegur maður. Hefur starfað sem blaðamaður í áraraðir og skrifað margar bækur. Hann er duglegur við að standa upp í hárinu á yfirvöldum vestanhafs. Hér fyrir neðan má sjá ýtarlegt viðtal við hann.

(Upphaflega myndbandið sem ég póstaði í janúar 2012 er horfið. Mig minnir að það myndband hafi verið hluti þáttarins. Þetta er allur þátturinn. VGA – 11.05.16)

 

Upphaflega birt vegna þessarar fréttar.

Athugasemdir af Moggablogginu.

Gunnar Th. Gunnarsson 18.1.2012 kl. 14:41

Michel Morre er ómerkilegur pappír… og hreint hlægilegt að hann skuli vera viðurkenndur sem heimildamyndagerðarmaður. Allar hans myndir eru meira og minna falsaðar.

En þessi vinstrimaður græðir á tá og fingri fyrir verk sín, sem er ömurlegt, vegna þess að hann siglir undir fölsku flaggi. Hann er draumóramaður af svipuðum toga og rithöfundarbjálfinn, Andri Snær Magnason.

Villi Asgeirsson 18.1.2012 kl. 15:43

Myndirnar hans vekja fólk til umhugsunar. Flest sem hann segir er rökstutt.

Ég veit ekki betur en að draumórar rithöfundarbjálfians, hafi breyst í alvöru martraðir. Ekki komu Kárhnjúkar í veg fyri kreppu. Held að flest það sem hann hélt fram hafi komið fram.

Ef ég er að bulla, komdu þá endilega með dæmi.

Ásthildur Cesil Þórðardóttir 18.1.2012 kl. 16:12

Sammála þér með Moore og Birgittu, og ég hef verið að hlusta á viðtalið sem þú linkar á á Hedges, er ánægð með hans sýn á hlutina.  Takk fyrir að setja það hér inn.

Arngrímur Stefánsson 18.1.2012 kl. 16:43

það eitt að vekja fólk til umhugsunar getur verið slæmt ef fólkið fær vitlausar staðreyndir til að melta.  Áróður vekur fólk oft til umhugsunar og sé fólk með rangar upplýsingar getur það komist að rangri niðurstöðu.

Villi Asgeirsson 18.1.2012 kl. 18:27

Ekkert að þakka, Ásthildur. Mín er ánægjan. Hin tvö eru vel þekkt á Íslandi en ég efast um að margir þekki Hedges.

Arngrímur. Michael Moore myndirnar eru skemmtilegar og hárbeitt ádeila á bandarískt samfélag. Ég get au’vita’ ekki vottað fyrir það að allt í öllum myndunum sé hreinn sannleikur, en myndirnar og athafnir hans ýfa fjaðrir þeirra sem hefta vilja frelsi einstaklingsing og gera heilsu fólks að söluvöru. Ekkert nema gott um það að segja.

 

Afsögn?

Afsögn?

Comments 0 Comment

Ögmundur kaus með á sínum tíma. Þingmennirnir fjórir skyldu fyrir landsdóm. Hvað hefur breyst síðan? Og hvað hefur breyst síðan hann sagðist ekki geta skipt sér af nímenningamálinu sem ráðherra? Hvernig getur hann þá skipt sér af þessu máli?

Ögmundur hefur sýnt og sannað að honum er ekki treystandi, hann er ekki starfi sínu vaxinn og hann hefur í raun engan annan kost en að segja af sér.

Geri hann það ekki, splundrast stjórnin sennilega og Sjálfstæðisflokkurinn leiðir næstu ríkisstjórn.

Kannski er það eitthvað sem hann vill? Kannski er hann bara klækjapólitíkus, ekkert betri en þeir sem hann hefur gagnrýnt hvað mest.

 

Upphaflega birt vegna þessarar fréttar.

Athugasemdir af Moggablogginu.

Anna Sigríður Guðmundsdóttir 17.1.2012 kl. 23:56

Villi. Ögmundi er treystandi umfram aðra ráðherra, en meðan hann hefur ekki hina ráðherrana með sér, þá nær hann ekki málum í gegn sem hann vill, fyrir almenning og lýðræðið, sem er honum mikið hjartans mál.

Samfylkingin eyðilagði réttlætið í kosningunni á alþingi, með því að sleppa sínum flokksmönnum. Þannig virkar ekki réttarkerfi, að maður velji einungis einn af fjórum, sem vönduð vinna hefur úrskurðað alla seka.

Þarna féll Samfylkingin á eigin svikabragði, í kosningunni um hverjir skyldu fyrir landsdóm, alveg eins og Sjálfstæðisflokkurinn féll á eigin svikabragði í kosningunni til Stjórnlagaráðs.

Kosningaréttur er ekki metinn sem skyldi á Íslandi.

Þetta hefur vonandi kennt báðum flokkunum, og helst öllum, að gömlu klækirnir eru ekki í boði lengur, frekar en önnur dauðans spilling innan stjórnsýslunnar, bæði hér á landi og annars staðar.

M.b.kv.

Villi Asgeirsson 18.1.2012 kl. 04:47

Það er rétt að Samfó klúðraði þessu máli upphaflega. Hin þrjú komust undan, í bili allavega. Það er aldrei að vita hvað hefði gerst í máling gegn Geir. Hefði eitthvað nýtt komið upp á yfirborðið sem gerði Landsdómi kleyft að kalla i hin þrjú?

En það a að veraq eins í þessu máli eins og öðrum að þó einhver komist undan, á maður ekki að sleppa þeim sem náðist. Auðvitað var það rugl að láta hin þrjú sleppa, en það sýknar Geir ekki sjálfkrafa. Svo má þess geta að Ögmundur kaus með því að þau skyldu fyrirLandsrétt, hann sagðist líke ekki geta skipt sér af mali nímenninganna vegna stöðu sinnar. Þó getur hann skipt sér af þessu máli.

Ég held það hangi meira á spýtunni en mannorð Geirs. Ögmundur er í pólitískum leik. Það er eitthvað valdatafl í gangi og Ögmundur lék sinn leik í gær. Lagði þjóðina undir. Sjáum hvað gerist næst.

Ómar Sigurðsson 18.1.2012 kl. 08:55

Ögmundur í pólitískum leik segir þú? Nei það ert þú, og flokksfélög eins og samfylkingarfélagið og vg.félagið steingrímur og Jóhanna sem eru í pólitískum leik. Þetta er loddaraskapur af verstu gerð hjá þessum flokkum

Villi Asgeirsson 18.1.2012 kl. 12:09

Er ég í pólitískum leik? Ég er óflokksbundinn og hef ekki stigið fæti inn í þinghúsið síðan í einhverri skólaferð í den.

Ég get alveg tekið undir það að Samfó klúðraði þegar þau sendu Geir einan í Landsdóm, en Ögmundur er að bralla eitthvað, hann er ósamkvæmur sjálfum sér og það er eitthvað sem kemur mér a óvart. Hélt hann væri betri en svo.

 

Allt í sóma…

Allt í sóma…

Comments 0 Comment

Hvað fóru miklir skattpeningar í að redda Kaupþingi? Hvað borgaði Nýja Kaupþing fyrir lánið hennar? Hvað stór hluti höfuðstólsins er vegna verðtryggingar?

Hvernig gengur annars að fella niður skuldir auðmanna?

 

Upphaflega birt vegna þessarar fréttar.

Athugasemdir af Moggablogginu.

Maria Csizmas 17.1.2012 kl. 15:26

Ef þú heitir ekki Þorgerður Katrín þá þetta er svaka erfitt…

Haukur Kristinsson 17.1.2012 kl. 15:51

Eðlilegar og sanngjarnar spurningar. Samtímis þessu fer fyrrverandi kelling Kalla Milestone’s fram á 850 millur. En Kalli var einn af verstu þrjótunum í gróðærinu. Hrikalegt samfélag.

Birkir Traustason 17.1.2012 kl. 18:10

Ógeðslegt að búa í svona þjóð þar sem græðgi glæpamanna bankana ræður, hvenær á að bera þá út úr þeirra heimilum vegna “skulda“ þeirra við þjíðfélagið  ??

Villi Asgeirsson 17.1.2012 kl. 18:28

Þetta er nákvæmlega málið. „Venjulegu fólki“ er hent útá götu meðan bankaelítan heldur áfram að sníkjudýrast og kemst upp með það.

Óskar 17.1.2012 kl. 19:15

Þessi kona bjó í 350 fermetra villu sem hún hafði hætt að borga af fyrir hrun og bjó því frítt þar í 4 ár!  Vorkenni henni bara nákvæmlega ekki neitt enda tilheyrir hún ekki þessu „venjulega fólki “ sem er hent útá gögu eins og Villi orðar það.

Villi Asgeirsson 17.1.2012 kl. 19:40

Verð að viðurkenna að ég þekki mál hennar ekki sérstaklega. Færslan stendur þó, hvort sem þessi kona á vorkunn skilið eða ekki, því fólk er borið út á meðan elítan fær allt niðurfellt.

Sigurður Haraldsson 17.1.2012 kl. 19:50

Það gegnur vel að fella niður skuldir stóru þjófana svo mikið er víst!

Villi Asgeirsson 17.1.2012 kl. 19:55

Engin vandamál þar!

Anna Sigríður Guðmundsdóttir 17.1.2012 kl. 20:46

Skrifaði pistil hér en hann birtist ekki. Kannski ekki rétt orðaður fyrir ritskoðun?

M.b.kv.

Anna Sigríður Guðmundsdóttir 17.1.2012 kl. 20:52

Þessi birtist kannski. Ætla bara að bjóða Össuri Skarphéðinssyni, Jóhönnu Sigurðardóttur, Steingrími Jóhanni Sigurðssyni, Halldóri Ásgrímssyni og fleiri ógrátandi stjórnsýslukerfis-nauðgurum „góða“ nótt, og „vona“ að þau þurfi ekki að gráta alla nóttina til að ná að sofna út frá áhyggjunum af lífeyrissjóðs-bankarændu fólki á Íslandi!

M.b.kv.

Anna Sigríður Guðmundsdóttir 17.1.2012 kl. 20:53

..Sigfússyni átti það að vera.

Villi Asgeirsson 17.1.2012 kl. 21:09

Sammála þér. Vona að þeir missi ekki svefn yfir þessu.

Og hér er ekkert ritskoðað. Ég tel mig geta rökrætt við fólk ef ég er ósammála því.

Óskar 17.1.2012 kl. 21:18

Ef ég hefði búið frítt í 350 fermetra einbýlishúsi í 4 ár þá hefði ég nú varla samvisku í að væla þó ég væri beðinn að finna mér annað húsnæði!

Anna Sigríður Guðmundsdóttir 17.1.2012 kl. 22:30

Villi. Það er gott að vita það. Þá er það álag eða eitthvað annað sem þurrkaði hann út.

M.b.kv.

Villi Asgeirsson 17.1.2012 kl. 22:45

Getur gerst. Það er alveg sérstaklega skemmtilegt þegar maður er búinn að skrifa allt of langan en algerlega meistaralegan pistil. Potar í Vista (senda eða hvað það er) og þá er allt farið. Maður reynir að endurskrifa en það vantar eitthvað.

Anna Sigríður Guðmundsdóttir 18.1.2012 kl. 00:01

Já Villi, það vantar eitthvað, vegna þess að þetta kemur beint frá hjartanu þá stundina, og sú stund kemur ekki aftur á sama hátt, og yrði bara léleg eftirlíking, ef maður reyndi að endurskrifa.

M.b.kv.

 

Visit Us On TwitterVisit Us On FacebookVisit Us On Youtube